Moonly Day

Chetu un devezh koantig èl ar loar
Leun-barr a vousc’hoarzhin
Dre ma gerioù skrivet doc’h liv an heol din
Leun-chouk a vugale é c’hoari
Ha tud añsien é kaniñ

Kas a ran deoc’h liv glas an neañv

Deomp ni hon daou
Da gaout un devezh splann ha glann
Chetu erruet amzer an tan
Hag amzer ar paotred fur
Amzer ar merc’hed
Hag amzer ar re o doa ankouaet pell zo
Penaos a ya an amzer er maez a oad
En ur lâre “Gwelet e vo”

Chetu un devezh koantig èl ar loar

I love you and I wish you were here

Farandolennoù am eus aveidoc’h
leizh ma dorn
Steredennoù ma c’harantez
leizh ma forn anehi
Ma c'harantez é splanniñ doc’hoc’h
aveit monet asambles ba lec’hioù frankiz
a-dreuz hon nozvezhioù-ni
Gwisket get voulouz
O daoulagad teñval ha don
é parañ doc’homp

I love you and I wish you were here

Chetu aveidoc’h
Ma oabl-din, glas ha pur
Komzoù a c’harantez
Komzoù flour
Aveit luskellat dour me daeroù
Komzoù lâret get ur plac’hig fur
D’ar galon ur paotrig “en amour”
kalon dirollet dehañ
Ur galon hag a ya hag a za
Hañval an heol
Hag a ya hag a za

I love you and I wish you were here

Tapet en ho kaouidell ne vin ket ken
Nameit ma faot din debriñ ho koumoul
Ar c’houmoul hag a vez kavet
Tro-dro
Ho kalon
Hag a zo bet dilezet
Ho kalon karet
Hag a ya hag a za…

I love you and I wish you were here

Souezhus! Sabatuet on-me... Brav an destenn hag al loar zo e-barzh, sklaer eo din. N'eo ket skrivet e peurunvan, ha n'on ket sur 'm eus komprenet pep tra mat, met skrivet brav eo avat. Ret e vefe dit treiñ ar bamm-se, Aotroú K, evit strobinellañ ivez an dud a lenn galleg hepken. Trugarez...

Thanks bras Olof :)) Skrivet eo an destenn-mañ e peurunvan med gant stumm Bro-gwened lakaet e-barzh, stumm Brezhoneg deus Bro-Gwened da lavaret eo.
Ar pezh lavar : "strobinellañ an dud" a blij din ur bochad (kalz) :))
Graet e vo ganin neuze :)) Strobinellet vo an dud (I hope)

Mister K.

N'ouzon ket, marteze ne vefe ket brezhoneg "reizh" penn-da-benn lavar an dra-se, strobinellan an dud... met n'eo ket arabat ober e barzhoniezh. Gortoz a ran evit an droidigezh e galleg, neuze. :-) Marteze e vo unan all e islandeg, piv a oar?

lol, en islandeg ? Plijadur dispar 'vehe (e vefe) :))) Med gant piv 'vo graet such a marvel ? Me a oar ar respont :))

Ce qui est interressant dans la traduction c'est le plaisir de s'approprier le texte en le coloriant avec une autre langue

Mister K.